وصية الوالدة !

أمي قبل كله تقول يا بنيتي كثر من الصديج ترى العدو أكثر

كنت لما أتشكالها من أحد .. أشوفها ثاني يوم تروح تضحك في ويهه و تقول ميخالف يا بنيتي 

عشان الله مو عشانهم.

كنت أعصب، أتضايق، مع إنها تدري ان الحق وياي لكن مع ذلك ما عمري شفتها انصفتني بمشكلة

الحين عرفت ليش تسوي جذي .. عرفت قيمة كلامها زين

الدنيا ما تسوى الزعل ،، و يا فلان لا تتحارب مع اخوك

و ان اختلفتوا تراضو .. ماتدري عن الدنيا .. باجر تضكك و ماتلقى غيره يساعدك من بعد رب العباد

تراها ماراح تدوم لا لي ولا لك .. ماراح يدوم غير ذكرك

إن اذكروك الناس بالطيب و انت ميت .. فزت فيها و بالآخرة :)

هذي الانتخابات بدت .. و هذي وصية الوالدة لي و لكم :)