أحاول أخفي حزني و ألمي على مصاب أهالي الجهراء
أحاول أصد عن الشاشة ... لأني ماكنت أبي أصدق اللي يصير
تصنعت الهدوء و نار الحزن كانت تحرق صدري ...
فاجعة .. إي نعم فاجعة ... و بمثل هذه الحوادث، أفضل شي نسويه هو إننا نستشعر عظمة ربنا سبحانه
و نستشعر .. حكمته .. اللي عقولنا كبشر يستحيل تفهمها صح لو مهما حاولنا و حاولنا
كل ما تخيلت الموقف .. .. والله إني أسمع صرخات .. و أشوف الرعب بعيون الأطفال ..
أخاف .. و رجع أصد، أغمض عيوني حيل ... أحاول إني ما أشوف بعقلي شي
أقول للفراق .. فرقاك عيد ! .. روح عني و عن غيري بعيد
ولكن بالتالي أصحى و انتشل نفسي من هالحزن و أقول
لك فيها حكمة، سبحانك، حسبي الله و نعم الوكيل
لا تسيسون الحادث ... لا تتكسبون منه .. قسما بالله ارتفع ضغطي و انا أشوفهم يتحجون بالتلفزيون عن الحكومة و التقصير
و الناس ماتت بسبب التدافع و بسبب زحمة السيايير و الأهم .. هالشركة اللي ماخذين منها الخيمة و مضبطة لهم العرس !
لا تحطونها براس المسؤولين ... كلنا ندري إنهم عيزوا و نبح صوووووتهم وهم يقولون لكم ديروا بالكم
عيزوا منكم ...
اسأل الله أن ينزل الرحمة على أرواح اللي راحوا بالحادث
و ينزل السكينة على قلوب أهاليهم يا رب يا كريم :(
توفنا يا الله و أنت راض عنا :(
---------------------------------------------
انقطعت لمدة طويلة بسبب نسياني باسورد الاكاونت =/
0 التعليقات:
إرسال تعليق