اللي يبي يعفس مزاج وحدة متزوجة و عندها بنات
يسمعها هالكلمتين ....
شدي حيلج و تشطري .. يبيلنا الولد
شكو تييب لكم ولد؟
منو إنتو ؟
بالعقد مكتوب إنها تزوجت شخص واحد
للحين في عقلية متخلفة بهذا الشكل .. تفكر بالولد و بس
للحين في حريم يتعمدون مغثة غيرهم وهم عارفين إن هالكلمة تضايق و على درجة عالية من الثقافة اللي يعرفون منها إن جنس المولود يحدده الزوج و ليس الزوجة
ما ياما ناس عندهم أولاد و بناتهم أحسن عشر مرات منهم
الرسول صلى الله عليه و سلام توفى رحمة الله عليه و ماعاش له أولاد
و قد نزلت سورة الكوثر على الرسول صلى الله عليه و سلم بسبب الإنسان اللي كان دايما يعايره بالبنات و اللي " بتر الله " ذكره و اسمه حتى من القرآن الكريم و ذلك في قوله تعالى
" إنا أعطيناك الكوثر ، فصل إلى ربك و انحر، إن شانئك هو الأبتر "
فيا قبح فعلتك يامن تعايرين أم البنات
و في إنسانات بعد .. نوعهم يحلل على كيف كيفه .. يعني .. تلاقونها تقول ..
إي .. الله ما عطاه الولد لأن الله غاضب عليه و إذا ياله ولد يمكن يصير حريمه !... الله و أكبر !!!!!!! لا حلفي !!
إن سألناهم ليش الولد .. قالوا عضيد و يشيل اسم الأبو و يمسك الورث !!
يا سلام ... حجي فاضي !
هذا فكر جاهلي و الإسلام بريء منه
ترى كل هاللي انقال .. زايل لا محاله و يبقى وجه ربك ذو الجلال و الإكرام
العمر فاني و كل من فاني بهذي الدنيا ... و في يوم البعث .. نبعث فرادا ... لا أب بينفع ولده
ولا ولد بيشيل اسم أبوه
لسان يبيله قص !
4 التعليقات:
اذا ما تزوجت حنوا عليها شدي حيلج
اذا تزوجت حنوا عليها شدي حيلج
اذا جابت اول بنت شدوا عليها شدي حيلج
اذا جابت اول ولد شدوا عليها شدي حيلج !
وانا لو يحصل لي جان شدي حلوجهم عن الحجي الفاضي
اذا ربي كاتب شئ يصير يصير !
والبنت اذا بيدها شي تسوية بس عاد اهم شكو ماتدرين !!
الشدة على الله
أنا أقول البنت أو المرأة المتزوجة متى ما احترمت نفسها راح توقف هذول الناس عند حدهم
ما أقصد بالإساءة لأننا مانعالج الغلط بالغلط
و لكن على سبيل المثال .. لو حصل في جلسة نسائية هذا الأمر .. ما أمشي الكلمة هذي بابتسامة و إن شاء الله و هي والله ... بل أتكلم بكل صراحة إن هالكلام مايجوز ينقال و لكل مقام مقال، يعني كل شخص حسب .. طبيعة علاقته فيني ... هل هي طويلة .. يعني أحد من الأهل و إنسان راح يتكرر مجلسي معاه
اذا كان كذلك .. فالتعبير عن عدم الارتياح بالمنطق الإسلامي و العلمي واجب
واااي صج صج ، رفيجتي مسكينة باستقبالها فبنتها الرابعة يت وحده تسلم عليها جان تقول يالله عاد فوقه فوقه نبي ولد !! انتي شتبين ؟؟؟ بقيت اطقها و الله
و انا كل من يحن علي ها لي متى جذي ما تحملين ؟؟ ؟ اذا ما حملتي الحين على ما يوصل ولدج الجامعة الا انتي ميتة !! شدراج ؟؟ يمكن تموتين قبلي ؟؟
يعني انا شكو الله سبحانه و تعالى ما كتب لي لي الحين شسوي يعني ؟؟ و الله الناس نا عندهم سالفة و الواحد احسن شي يطنش
و مادري شفيني اشتطيت :)
New Bride مرينا بنفسسسسس اللي مريتي فيه
حتى الوحدة اللي مافيها شي ... تشك بعمرها إن فيها بلا !!
الطناش زين لكن إذا كنت من النوع اللي يتأثر فالصراحة ممكن تكون مفيدة في بعض الأحيان
و يارج الله !
إرسال تعليق